(විශාල කර බැලීමට සිතුවම මත ක්ලික් කරන්න)
2011/04/30
අන්තිම පෙත්ත
ශේන්යා ශේන්යා
මමයි උඹේ වීත්යා
හැන්දෑවක උඹත් එක්ක
හිනා වෙවී හරි හරියට
අත අල්ලං ඇවිද යන්න
වරමක් උඹගෙන් ඉල්ලන
මමයි උඹේ වීත්යා
තහනම් කල වීත්යා
උඹෙ ලෝකෙට එන්න බැරුව
උඹ ලඟ ගැවසෙන්න බැරුව
කඳුළු වලින් දින ගණිනා
මමයි උඹේ වීත්යා
විලංගු ලූ වීත්යා
විසිකෙරුවත් පෙති හයක්ම
උඹේ සිහින ලෝක වලට
හත් වෙනි අවසාන පෙත්ත
තියා ගනින් මා වෙනුවෙන්
මල් නටුවෙන් සිඳින්නැතිව
මගේ පැතුම් ඉටිපන්දම්
ඔක්කොම අවසන්ය සිතා
උයනේ බංකුව කෙලවර
මා හඬනා උදෑසනක
ඇවිදින් මගෙ ඇස් මානෙට
කඩපන් අවසාන පෙත්ත
වීසි කරන්නට කලියෙන්
අවසන් නිල් පාට පෙත්ත
අතැඟිල්ලක දවටා එය
ගයන් උඹේ සීනු හඬින්
උඹට උරුම පුරුදු ගීය
කියන්න රහසින් මේ ලෙස
"මල් පෙත්තේ මල් පෙත්තේ
උතුරු දෙසට දකුණු දෙසට
බටහිරටත් නැගෙනහිරට
කැරකීලා ඇවිත් බිමට
ම'කියන දේ කරදෙන් මට"
"වීත්යාට තටු ලැබෙන්න
මගෙ ලෝකෙට ඉගිල්ලෙන්න"
සහන් පද්මසංඛ පීරිස්
( THЕ SAHAN )
2011 අප්‍රේල් 30
2011/04/26
2011/04/25
Subscribe to:
Posts (Atom)